Liúntas Fiontair um Fhilleadh ar an Obair

Tugann an Liúntas Fiontair um Fhilleadh ar an Obair spreagadh do dhaoine dífhostaithe, tuismitheoirí aonair agus daoine a mbíonn Liúntas do Dhaoine Faoi Mhíchumas nó Pinsean na nDall á bhfáil acu a bheith féinfhostaithe.

Dá mba rud é go mbeadh íocaíochtaí áirithe leasa shóisialaigh á bhfáil agat agus dá mba rud é gur mhian leat a bheith féinfhostaithe, is féidir leat faoin Liúntas Fiontair um Fhilleadh ar an Obair sciar de d’íocaíocht leasa shóisialaigh a choinneáil ar feadh 2 bhliain.

Más fút cáiliú don liúntas, níor mhór:

• Go mbeifeá i mbun gnó a bhunú a d’fhaomh Cuideachta Chomhpháirtíochta nó Éascaitheoir i scríbhinn roimhe ré.

• Go mbeadh ceann de na híocaíochtaí cáilitheacha a liostaítear thíos á fháil agat ar feadh 12 mí ar a laghad.

Is iad seo a leanas na híocaíochtaí cáilitheacha:

• Sochar Cuardaitheora Poist

• Liúntas Cuardaitheora Poist

• Íocaíocht do Theaghlaigh Aon-Tuismitheora

• Pinsean na nDall

• Liúntas do Dhaoine Faoi Mhíchumas

• Liúntas Cúramóra (i gcás go mbeadh deireadh curtha leis na dualgais chúraim)

• Liúntas Cúnamh Feirmeoireachta

• Pinsean Easláine

• Forlíonadh Éagumais 

• Liúntas Réamhscoir

• Pinsean Baintrí agus Baintrí Fir (Neamh-Ranníocach)

• Sochar nó Liúntas Banchéile Thréigthe

• Liúntas do Bhanchéile Príosúnaigh

Tabhair faoi deara:
Ní mór teidlíocht bhunúsach i leith Liúntas Cuardaitheora Poist a bheith ag duine a fhaigheann Sochar Cuardaitheora Poist agus mura mbeidh is 2 bhliain an tréimhse cháilitheach.
D’fhéadfadh go mbeifeá ina theideal chomh maith dá mbeadh Sochar Tinnis á fháil agat ar feadh 3 bliana ar a laghad.