An Clár Seirbhísí Pobail

Tugann an Clár Seirbhísí Pobail tacaíocht do ghnólachtaí agus d’fhiontair shóisialta chun seirbhísí áitiúla agus deiseanna fostaíochta a sholáthar sa phobal agus do ghrúpaí faoi mhíbhuntáiste ach go háirithe.  Maoiníonn an Roinn Gnóthaí Pobail, Tuaithe agus Gaeltachta an Clár Seirbhísí Pobail faoin bPlean Forbartha Náisiúnta 2007-2013 agus áirítear na haidhmeanna seo a leanas leis:

• Laghdófar an míbhuntáiste sna pobail sin.

• Déanfar an fhorbairt shóisialta agus eacnamaíoch a chur chun cinn sna pobail sin.

• Cuirfear fostaíocht ar fáil do na daoine is scoite amach ó mhargadh na fostaíochta.

• Déanfar forbairt inmharthana agus uileghabhálach na bpobal sin a chur chun cinn.

• Déanfar an úinéireacht áitiúil a neartú trí pháirtíocht a chothú i mbreitheanna a dhéanamh.