Scéim Tacaíochta na bPobal

Tionscnaíodh Scéim Tacaíochta na bPobal ar mhaithe le tacú le tuilleadh deiseanna eacnamaíocha a fhorbairt i bpobail ar cuireadh isteach orthu nuair a cuireadh deireadh leis an iascach bradán le sruthlíonta.

Ní le haghaidh daoine a bhfuil ceadúnas iascaigh bradán acu ar bhonn tráchtála (a bhfuil deis acu íocaíochtaí a fháil faoin Scéim Chruatain Bradáin) ach le haghaidh tuilleadh deiseanna eacnamaíocha a fhorbairt do chriúnna agus do dhaoine a bhíonn fostaithe sna hearnálacha próiseála agus coimhdeacha sna pobail ina raibh an t-iascach bradán seanbhunaithe nó seachas sin, i gcás go bhfuil sé i gceist ag tionscnóir líon suntasach de dhaoine a bhíodh ag gabháil de shruthlíonta roimhe seo, a fhostú.

Áirítear ar na cineálacha tionscadal atá incháilithe faoi scéim:

•  Athoiliúint lucht oibre a bhíodh ag gabháil d’iascach na mbradán le sruthlíon/líon tarraingthe roimhe seo.

• Athoiliúint lucht oibre a bhíodh ag gabháil do ghníomhaíochtaí coimhdeacha a bhain le hiascach bradán fiáin ar bhonn tráchtála.

• Éagsúlú agus díriú ar ghníomhaíocht eacnamaíoch iascaigh nach gníomhaíocht a bhainfeadh le hiascach an bhradáin a bheadh inti (seachas gníomhaíocht atá á clúdach cheana féin faoi scéimeanna BIM).

• Éagsúlú ó ghníomhaíochtaí coimhdeacha a bhíodh ag brath ar iascach bradán fiáin roimhe seo.

• Oideachas agus ullmhú i gcomhair fostaíochta don lucht oibre mar atá ag (1) agus ag (2) thuas.

• Tionscadail chun cáilíocht na timpeallachta cósta a chur chun cinn.

• Tionscadal pobail iomchuí eile ar bith arna aithint le linn na Scéime. I gcás go dtiocfadh tionscadail bheartaithe faoin gcatagóir seo, ní mór do Mheitheal Forbartha na Gaeltachta Teoranta dul i gcomhairle leis an Roinn ar dtús agus ceadú a fháil uathu.

Tabhair faoi deara:
Ba é an 31ú Márta 2009 an dáta deiridh le hiarratais a bheith istigh. Críochnófar sa bhliain 2009 na tionscadail a ceadaíodh faoin scéim seo.