Clár Forbartha Tuaithe LEADER 2007-2013

Is iad na cuspóirí leathana áta ag an Clár Forbartha Tuaithe LEADER 2007 - 2013 ná caighdeán maireachtála i gceantair thuaithe a fheabhsú agus éagsúlú i ngníomhaíocht eacnamaíochta i gceantair thuaithe a spreagadh.

Liostaítear anseo thíos na bearta a thagann faoin gClár agus níl le déanamh ach an nasc a bhrú chun eolas a fháil ar gach beart díobh:

• Éagsúlú i nGníomhaíochtaí Neamhthalmhaíochta

• Tacaíocht do Chruthú agus d’Fhorbairt Gnó 

• Gníomhaíochtaí Turasóireachta a Spreagadh

• Seirbhísí Bunúsacha don Gheilleagar agus do Phobal na Tuaithe

• Athnuachan agus Forbairt Sráidbhailte 

• Caomhnú agus Uasghrádú na hOidhreachta Tuaithe

• Beart Oiliúna agus Faisnéise

• Cur i bhFeidhm Tionscadail Chomhoibrithe

D’fhéadfadh go mbeadh tacaíocht deontais i gcabhair le haghaidh Anailíse agus Forbartha ar fáil maidir le gach beart ach amháin le haghaidh na mbeart, Oiliúint agus Faisnéis.

Cuireann Meitheal Forbartha na Gaeltachta an Clár Forbartha Tuaithe a bhaineann le heagraíochtaí pobail agus le tionscnóirí tionscadal príobháideach i bhfeidhm thar ceann na Roinne Gnóthaí Pobail, Tuaithe agus Gaeltachta agus na Roinne Talmhaíochta, Iascaigh agus Bia.

Is cuid de Chláir Réigiúnacha Feidhme faoin bPlean Forbartha Náisiúnta 2007-2013 é an Clár Forbartha Tuaithe, a mhaoinítear as Clár Forbartha Tuaithe na hÉireann 2007 -2013, Ais 3 agus Ais 4: Cáilíocht Saoil i gCeantair Thuaithe agus Éagsúlú an Gheilleagair Thuaithe.

Ceapadh an Clár ar mhaithe le feabhas a chur ar cháilíocht saoil na ndaoine a chónaíonn faoin tuath, lena n-áirítear feirmeoirí, éagsúlú na gníomhaíochta eacnamaíochta a spreagadh ar na bealaí seo:  fiontair thuaithe a fhorbairt, turasóireacht, feabhsúchán sráidbhailte agus tionscnaimh chomhshaoil.